ന്യൂഡല്‍ഹി വ്യോമസേനയുടെ ശക്തി വര്‍ധിപ്പിക്കുന്നതിനായി ഇന്ത്യ യു. എസില്‍ നിന്ന് അപ്പാച്ചെ ഗാര്‍ഡിയന്‍ യുദ്ധ ഹെലികോപ്റ്റര്‍ സ്വന്തമാക്കി. വെള്ളിയാഴ്ച ഹെലികോപ്റ്ററിന്റെ ഔദ്യോഗിക കൈമാറ്റം നടന്നുവെന്ന് ഇന്ത്യന്‍ വ്യോമസേന ഇന്ന് ട്വീറ്റ് ചെയ്തു. ബോയിങ്ങിന്റെ അരിസോനയിലെ നിര്‍മാണകമ്പനിയില്‍ വച്ചായിരുന്നു ഹെലികോപ്റ്ററിന്റെ കൈമാറ്റം നടന്നത്.  ഏത് കാലാവസ്ഥയിലും യുദ്ധസജ്ജമായ ഹെലികോപ്റ്ററാണ് അപ്പാഷെ. ആകാശയുദ്ധത്തിലോ, കരയിലെ ലക്ഷ്യങ്ങളെ യോ ഹെലികോപ്റ്ററിന് സാധിക്കും. 2015 സെപ്റ്റംബറിലായിരുന്നു വ്യോമസേന 22 അപ്പാഷെ ഹെലികോപ്റ്ററിനായി ബോയിങ്ങുമായി കരാര്‍ ഒപ്പുവച്ചത്. ഇതില്‍ ആദ്യത്തെ ബാച്ച് ഹെലികോപ്റ്ററുകള്‍ ജൂലൈയില്‍ ഇന്ത്യയിലെത്തും.