ചങ്ങരംകുളം: പൊലിസ് സ്റ്റേഷനില്‍ തെരുവു നായ ശല്യം രൂക്ഷമാകുന്നു. കസ്റ്റഡി വാഹനങ്ങള്‍ക്കിടയില്‍ താമസിക്കുന്നത് നൂറില്‍ പരം തെരുവു നായ്കളാണ്. ക്വാട്ടേഴ്‌സിനു പുറത്തു വക്കുന്ന പാദരക്ഷയടക്കമുള്ളവയും പരിമിതമായ സ്ഥലത്ത് ജൈവ കൃഷി നടത്തുന്ന എ.എസ്.ഐ ആല്‍ബെര്‍ട്ടിന്റെ കൃഷിയിടവും തെരുവു നായ്ക്കള്‍ നശിപ്പിക്കുന്നതും പതിവാണ്.
ജനങ്ങളുടെ ജീവനും സ്വത്തിനും സംരക്ഷണം നല്‍കേണ്ട പൊലീസുകാരുടെ സ്വന്തം ജീവനും സ്വത്തും ആരു സംരക്ഷിക്കും എന്ന അവസ്ഥയാണിപ്പോള്‍. കസ്റ്റഡി വാഹനങ്ങള്‍ യഥസമയം നീക്കം ചെയ്യാത്തതും തെരുവു നായ നിര്‍മാര്‍ജനം നടപ്പാക്കാത്തതുമാണ് ശല്യം രൂക്ഷമാകാന്‍ കാരണം.