പടിഞ്ഞാറങ്ങാടി: പച്ചമരുന്നു തേടി നാട്ടിന്‍ പുറങ്ങളില്‍ ആളുകള്‍ എത്തിത്തുടങ്ങി. മഴ മാറിയതോടെ നാട്ടിന്‍ പുറങ്ങളില്‍ പടര്‍ന്ന് പന്തലിച്ച് നില്‍ക്കുന്ന കൈപ്പപ്പടവലം പോലുള്ള ഔഷധ ചെടികളാണ് കൂടുതലും ശേഖരിക്കുന്നത്.
കൂടാതെ കുറുന്തോട്ടി, തഴുതാമ, കീഴാര്‍നെല്ലി,ശതാവരി കിഴങ്ങ് തുടങ്ങിയവയും ശേഖരിക്കുന്നുണ്ട്. പല ഔഷധ സസ്യങ്ങളും വളരെ അപൂര്‍വ്വമായാണ് കാണപ്പെടുന്നതെന്നും തങ്ങള്‍ ശേഖരിക്കുന്ന ഔഷധ സസ്യങ്ങള്‍ കോട്ടക്കല്‍ ആര്യ വൈദ്യശാലയിലേക്കാണ് കൊണ്ട് പോകുന്നതെന്നും. നല്ല വില ലഭിക്കുമെന്നും കച്ചവടക്കാര്‍ പറയുന്നു.
കഴിഞ്ഞ ദിവസങ്ങളിലായി പറക്കുളത്തും, സമീപത്തുമായി നിരവധി ഔഷധ ചെടികളാണ് ഇവര്‍ ശേഖരിച്ചത്.