തിരൂരങ്ങാടി: സാമൂഹികമായും സാംസ്‌കാരികമായും പിന്നാക്കാവസ്ഥയിലുള്ള കേരളേതര സംസ്ഥാനങ്ങളിലെ മുസ്‌ലിം സമൂഹത്തെ നാം വിദ്യ കൊണ്ട് പ്രബുദ്ധരാക്കണമെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റി പൂര്‍വ വിദ്യാര്‍ഥി സംഘടന ഹുദവീസ് അസോസിയേഷന്‍ (ഹാദിയ) സംഘടിപ്പിക്കുന്ന ആറാമത് റമദാന്‍ പ്രഭാഷണ പരമ്പരയുടെ മൂന്നാം ദിനത്തെ പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
യു. ശാഫി ഹാജി ചെമ്മാട് അധ്യക്ഷനായി. സിംസാറുല്‍ഹഖ് ഹുദവി പ്രഭാഷണം നടത്തി.
വി.പി അബ്ദുല്ലക്കോയ തങ്ങള്‍ മമ്പുറം, ചെമ്മുക്കന്‍ കുഞ്ഞാപ്പു ഹാജി, കെ.എം സൈദലവി ഹാജി കോട്ടക്കല്‍, ഇസ്ഹാഖ് ബാഖവി ചെമ്മാട്, ഡോ. യു.വി.കെ മുഹമ്മദ്, ഫൈസല്‍ ഹുദവി തളിപ്പറമ്പ് സംബന്ധിച്ചു. ശരീഫ് ഹുദവി ചെമ്മാട് സ്വാഗതവും നാസര്‍ ഹുദവി കൈപ്പുറം നന്ദിയും പറഞ്ഞു.
പ്രഭാഷണ പരമ്പര ഇന്ന് സമാപിക്കും. സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. മുസ്തഫ ഹുദവി ആക്കോട് പ്രഭാഷണം നടത്തും.