ചേലേമ്പ്ര:പഞ്ചായത്തിലെ കര്‍ഷകരുടെ സ്വപ്നമായ കൃഷി വിജ്ഞാന വിപണന കേന്ദ്രം ഉദ്ഘാടനം കഴിഞ്ഞിട്ടും അടഞ്ഞു തന്നെയിരിക്കുന്നു. പതിനഞ്ചാം വാര്‍ഡില്‍ തേനേരിപ്പാറയിലാണ് കേന്ദ്രം സ്ഥിതി ചെയ്യുന്നത്. കഴിഞ്ഞ പഞ്ചായത്ത് തെരഞ്ഞെടുപ്പ് പെരുമാറ്റചട്ടം നിലവില്‍ വരുന്നതിനു മുമ്പ് ഉദ്ഘാടനം ചെയ്തിരുന്നെങ്കിലും പരിപാടി കഴിഞ്ഞു നാലു മാസമായിട്ടും പൂട്ടിട്ട നിലയില്‍ തന്നെയാണ്. ശങ്കരന്‍ എമ്പ്രാതിരിയെന്നയാള്‍ തന്റെ പിതാവിന്റെ പേരില്‍ സൗജന്യമായി നല്‍കിയ പത്തുസെന്റ് സ്ഥലത്താണ് 2012ല്‍ കെട്ടിടം പണിതത്. നിര്‍മാണം പൂര്‍ത്തിയായെങ്കിലും വൈദ്യുതി കണക്ഷന്‍ ലഭിച്ചിരുന്നില്ല. നാലു മാസമായി വൈദ്യുതി കണക്ഷന്‍ ലഭിച്ചുവെങ്കിലും ഇത് കര്‍ഷകര്‍ക്കായി തുറന്നുകൊടുത്തിട്ടില്ല.
ഇടിമുഴിക്കല്‍ പളളിക്കുളത്ത് പ്രവര്‍ത്തിക്കുന്ന ഐസിഡിപി സെന്റര്‍, സൊസൈറ്റി, അഗ്രോ ക്ലിനിക്ക് തുടങ്ങിയവ കേന്ദ്രത്തില്‍ പ്രവര്‍ത്തിക്കാനാകും.