അങ്ങാടിപ്പുറം: വൈദ്യുതി പോയി വന്നപ്പോള്‍ റിസര്‍വേഷന്‍ കൗണ്ടറിലെ  സെര്‍വര്‍ തകരാറിലായി. രാവിലെ മുതല്‍ നീണ്ട വരിയില്‍ കാത്ത് നിന്നവര്‍ നിരാശയോടെ മടങ്ങി. ഇന്നലെ രാവിലെ 12 മുതലാണ് അങ്ങാടിപ്പുറം റെയില്‍വേ സ്റ്റേഷനില്‍ സെര്‍വര്‍ തകരാര്‍ അനുഭവപ്പെട്ടത്. ജോലിയില്‍ ഉണ്ടായിരുന്ന ഉദ്യോഗസ്ഥന്‍ ശ്രമിച്ചിട്ടും തകരാര്‍ പരിഹരിക്കാനായില്ല.
എന്നാല്‍ തൊട്ടടുത്ത് റിസേര്‍വ്ഡ് ടിക്കറ്റ് കൗണ്ടറില്‍ യാതൊരു പ്രശ്‌നവും ഇല്ലാതെ കാര്യങ്ങള്‍ നടക്കുകയും ചെയ്തു. തിരുവനന്തപുരം ആര്‍.സി.സി യിലേക്ക് പോകേണ്ട രോഗികള്‍ ഉള്‍പ്പെടെയുള്ളവര്‍ ടിക്കറ്റ് എടുക്കാന്‍ സാധിക്കാതെ മടങ്ങി.