നിലമ്പൂര്‍: വീട്ടിക്കുത്ത് ഗവ.എല്‍.പി സ്‌കൂളില്‍ പി.ടി.എ യുടെ ആഭിമുഖ്യത്തില്‍ വിവിധ പദ്ധതികള്‍ക്ക് തുടക്കമായി.  ഈ വര്‍ഷം ആരംഭിച്ച പ്രീപ്രൈമറി ക്ലാസും ഭക്ഷണശാലയും പൂര്‍വ വിദ്യാര്‍ഥികള്‍ സമര്‍പ്പിച്ച കരിവീരന്റെ ശില്‍പവും  പി.വി അന്‍വര്‍ എംഎല്‍എ ഉദ്ഘാടനം ചെയ്തു. എസ്.എം.സി ചെയര്‍മാന്‍ സി.വിനോദ് അധ്യക്ഷനായി. എം.ഇ.എസ് കോളജ് മലയാള വിഭാഗം മേധാവി പി.കെ കനകലത, സ്‌പെഷ്യല്‍ ബ്രാഞ്ച് ഡി.വൈ.എസ്.പി എം.പി മോഹനചന്ദ്രന്‍, സിബി വയലില്‍, സ്‌കൂള്‍ പി.ടി.എ പ്രസിഡന്റുമാരായിരുന്ന പി.പ്രദീപ്, പി.രാജീവ്, ശില്‍പി ടി.കെ സുരേഷ് കുമാര്‍ എന്നിവര്‍ക്ക് എംഎല്‍എ പുരസ്‌കാരങ്ങള്‍ നല്‍കി. നഗരസഭ അധ്യക്ഷ പത്മിനി ഗോപിനാഥ് മുഖ്യാതിഥിയായി. ശ്രീജ ചന്ദ്രന്‍, എന്‍.വേലുക്കുട്ടി, ചാലില്‍ ഉണ്ണികൃഷ്ണന്‍, കെ.ഗോപാലകൃഷ്ണന്‍, മുജീബ് ദേവശ്ശേരി, പി.രാജീവ്, വി.വാസുദേവന്‍, കെ.സ്വപ്ന,  പ്രധാനാധ്യാപകന്‍ അബ്ദുല്‍ അസീസ് ഇല്ലക്കണ്ടി, സ്റ്റാഫ് സെക്രട്ടറി മേരി നാന്‍സ് തുടങ്ങിയവര്‍ സംസാരിച്ചു.