കണ്ണൂര്‍: മുല്ലക്കൊടി എ.യു.         പി സ്‌കൂളില്‍ നാടക പരിശീലന ക്യാംപ് തുടങ്ങി. കൂടിയാട്ടം, കഥകളി, തെയ്യം എന്നീ കലാരൂപങ്ങളുടെ അടിസ്ഥാനഭാവങ്ങളെയാണ് നാട്യശാസ്ത്രത്തിന്റെ പിന്‍ബലത്തില്‍ പരിശീലിപ്പിച്ച് ക്യാംപ് അംഗങ്ങള്‍ക്കു പരിചയപ്പെടുത്തുന്നത്. ഇന്നു രാവിലെ പയ്യന്നൂര്‍ വിദ്യാമന്ദിര്‍ കോളജില്‍ ക്യാംപ് സംഘടിപ്പിക്കും. ക്ലബുകള്‍ക്കായും ക്യാംപ് സംഘടിപ്പിച്ചു നല്‍കുമെന്നും സംഘാടകരായ ബിജു ഇരിണാവ്, വി.വി മോഹനന്‍ മയ്യില്‍, രാഹുല്‍ ശ്രീനിവാസന്‍, ഉണ്ണിരാജ് ചെറുവത്തൂര്‍ എന്നിവര്‍ അറിയിച്ചു.