ലണ്ടന്‍: ആരാധകരുടെ പ്രതീക്ഷ തകര്‍ക്കാതെ ഉസൈന്‍ ബോള്‍ട്ട് റിയോയിലേക്കുള്ള വരവറിയിച്ചു. ലണ്ടന്‍ ആനിവേഴ്‌സറി മീറ്റിലെ വിജയത്തുടക്കത്തോടെയാണ്‌
ഉസൈന്‍ ബോള്‍ട്ട് തിരിച്ചുവരവിന് തുടക്കം കുറിച്ചത്. പരുക്കിനെ തുടര്‍ന്ന് റിയോ ഒളിംപിക്‌സില്‍ ജമൈക്കയെ പ്രതിനിധികരിക്കാനാവുമായിരുന്നില്ല . എന്നാല്‍ ആരാധകരുടെ പ്രാര്‍ഥനയായിരിക്കും ബോള്‍ട്ടിന് തിരിച്ചുവരവു സാധ്യമാക്കിയത്.

200 മീറ്ററില്‍ 19.89 ന് ഫിനിഷ് ചെയ്തു. പൂര്‍ണഫോമില്‍ എത്താനായില്ലെങ്കിലും പരുക്കില്‍നിന്നു മോചനം നേടിയത് ആശ്വാസമാണെന്ന് ബോള്‍ട്ട് പറഞ്ഞു. റിയോ ഒളിംപിക്‌സിന് മുന്‍പുള്ള ബോള്‍ട്ടിന്റെ അവസാന മത്സരമായിരുന്നു ഇത്. റിയോയില്‍ നൂറ്, ഇരുന്നൂറ് മീറ്ററുകളില്‍ റെക്കോര്‍ഡ് നേട്ടത്തിന് വേണ്ടി ബോള്‍ട്ട് ഓടാനിറങ്ങും. റിയോ ഒളിംപിക്‌സിന് ആവേശം കൂടാന്‍ ബോള്‍ട്ടിന്റെ സാന്നിധ്യം സഹായിക്കും.