ചക്കരക്കല്‍: ചെമ്പിലോട് ഗ്രാമപഞ്ചായത്തില്‍ പ്ലാസ്റ്റിക് നിരോധനം
ഫലംകണ്ടില്ല. വിവിധ കച്ചവട സ്ഥാപനങ്ങളില്‍ ഇപ്പോഴും പ്ലാസ്റ്റിക് കവറുകളില്‍ തന്നെയാണ് സാധനങ്ങള്‍ നല്‍കുന്നത്. മാത്രമല്ല പ്ലാസ്റ്റിക്ക് മാലിന്യങ്ങള്‍ കടകളുടെ പി
ന്‍വശത്തും പൊതുവഴിയരികിലും തള്ളുന്നതും കൂട്ടിയിട്ട് കത്തിക്കുന്നതും തുടരുകയാണ്. പഞ്ചായത്തംഗങ്ങളുടെ നേതൃത്വത്തില്‍ ശുചീകരണ പ്രവര്‍ത്തനങ്ങള്‍ നടത്തിയ സ്ഥലങ്ങളില്‍ വീണ്ടും മാലിന്യങ്ങള്‍ കുന്നുകൂടിക്കഴിഞ്ഞു. ബസ്സ്റ്റാന്‍ഡില്‍ നിന്നു മൂന്നുപെരിയ റോഡിലേക്ക് പുതുതായി നി
ര്‍മിച്ച റോഡിന്റെ ഇരുവശവും പ്ലാസ്റ്റിക്ക് മാലിന്യം നിറഞ്ഞനിലയിലാണ്. ഗ്രാമപഞ്ചായത്തിന്റെ പ്ലാസ്റ്റിക്ക് മാലിന്യ സംസ്‌കരണ പ്ലാന്റ് ചെമ്പിലോട് പ്രവര്‍ത്തിക്കുമ്പോഴാണ് ചക്കരക്കല്‍ ടൗണിലെ മാലിന്യ
പ്രശ്‌നം പരിഹരിക്കപ്പെടാതെ കിടക്കുന്നത്.