മട്ടന്നൂര്‍: മട്ടന്നൂരിലെ പൊതു ശൗചാലയത്തില്‍ നിന്നു മാലിന്യം
പുറത്തേക്ക് വന്നതിനെ തുടര്‍ന്ന് അടച്ചിട്ട് ആഴ്ചകള്‍ കഴിഞ്ഞിട്ടും തുറക്കാത്തതില്‍ പ്രതിഷേധിച്ച് യൂത്ത് കോണ്‍ഗ്രസ് മട്ടന്നൂര്‍ മണ്ഡലം കമ്മിറ്റിയുടെ നേതൃത്വത്തില്‍ റീത്ത്‌വച്ചു പ്രതിഷേധിച്ചു. യൂത്ത് കോണ്‍ഗ്രസ് കണ്ണൂര്‍ പാര്‍ലമെന്റ് മണ്ഡലം വൈസ് പ്രസിഡന്റ് ഒ.കെ പ്രസാദ് ഉദ്ഘാടനം ചെയ്തു. മട്ടന്നൂര്‍ മണ്ഡലം കമ്മിറ്റി പ്രസിഡണ്ട് സി അജിത്ത് കുമാര്‍ അധ്യക്ഷനായി. കെ.വി ജയചന്ദ്രന്‍, വിനീഷ് ചുള്ള്യാന്‍, രാഗേഷ് തില്ലങ്കേരി, പ്രശാന്ത് കൊതേരി സംസാരിച്ചു.