വടക്കാഞ്ചേരി: കരുതക്കാട് നൂറുല്‍ ഹുദാ മദ്രസ സുവര്‍ണ ജൂബിലിയുടെ നിറവില്‍ ആഘോഷ പരിപാടികളുടെ ഭാഗമായി സമന്വയം 2017 എന്ന പേരില്‍ സൗഹൃദ സംഗമവും, ആര്‍ദ്രം 2017 എന്ന പേരില്‍ മെഡിക്കല്‍  ക്യാമ്പും സംഘടിപ്പിച്ചു. സൗഹൃദ സംഗമം കരുതക്കാട് മഹല്ല് ഖത്തീബ് അബൂബക്കര്‍ സിദ്ദീഖ് ഹൈത്തമി ഉദ്ഘാടനം ചെയ്തു. മഹല്ല് വൈസ് പ്രസിഡന്റ് പി.പി സുലൈമാന്‍ അധ്യക്ഷനായി. കൈനൂര്‍ സെന്റ് ജോര്‍ജ് പള്ളി വികാരി ഫാ.തോമാസ് പുലയത്ത് ആറ്റൂര്‍ ദാറുല്‍ ഫലാഹ് കോളേജ് പ്രിന്‍സിപ്പാള്‍ ഷിയാസ് അലി വാഫി സംസാരിച്ചു. മൂസല്‍ ഫൈസി സ്വാഗതവും, സെക്രട്ടറി ടി.എച്ച് മുഹമ്മദ് ഷെഫീഖ് നന്ദിയും പറഞ്ഞു. മുളങ്കുന്നത്ത്കാവ് മെഡിക്കല്‍ കോളേജ് ഇ.എന്‍.ടി വിഭാഗം, പുനര്‍ജനി വിദ്യാര്‍ഥി വിഭാഗം, വടക്കാഞ്ചേരി ജില്ലാ ആശുപത്രി, കൂര്‍ക്കഞ്ചേരി ഐ വിഷന്‍ കണ്ണാശുപത്രി എന്നിവയുടെ സഹകരണത്തോടെയാണ് ക്യാംപ് നടത്തിയത്. ഡോക്ടര്‍മാരായ പി.വി അജയന്‍, പോള്‍, എം.ഇ ശോഭ നേതൃത്വം നല്‍കി.