കാസര്‍കോട്: രണ്ട് വര്‍ഷത്തിലൊരിക്കല്‍ നടത്തുന്ന കീഴൂര്‍ പടിഞ്ഞാര്‍ മഖാം ഉറുസ് ഇന്ന് മുതല്‍ 17 വരെ പള്ളി അങ്കണത്തില്‍ നടക്കും. ഉറൂസിനോടനുബന്ധിച്ച് 10 ദിവസത്തെ മതപ്രഭാഷണം, കൂട്ടുപ്രാര്‍ഥന, മജ്‌ലിസുന്നൂര്‍ കൂട്ടുപ്രാര്‍ഥന, മാനവ സൗഹാര്‍ദ സംഗമം, അന്നദാനം എന്നിവ നടക്കും. ഇന്ന് വൈകുന്നേരം 4.30ന് കീഴൂര്‍ മംഗളൂരു ഖാസി ത്വാഖാ അഹമ്മദ് മൗലവി ഉദ്ഘാടനം ചെയ്യും.
ജമാഅത്ത് കമ്മിറ്റി പ്രസിഡന്റ് അബ്ദുല്ല ഹുസൈന്‍ ഹാജി അധ്യക്ഷനാവും. സാജിഹു ഷമീര്‍ അല്‍ അസ്ഹരി, മുഹമ്മദ് ബാഖവി, ഹസന്‍ സഖാഫി പൂക്കോട്ടൂര്‍, ഹാഫിള് സിറാജുദ്ദീന്‍ അല്‍ ഖാസിമി പത്തനാപുരം പ്രഭാഷണം നടത്തും.
 11നു നടക്കുന്ന മജ്‌ലിസുന്നൂര്‍ സദസിനു അല്‍മഷ്ഹൂര്‍ ആറ്റക്കോയ തങ്ങള്‍ അല്‍ അസ്ഹരി നേതൃത്വം നല്‍കും. 12ന് സമസ്ത കേന്ദ്ര മുശാവറ ജനറല്‍ സെക്രട്ടറി പ്രഫ. കെ. ആലിക്കുട്ടി മുസ്‌ലിയാര്‍, 14ന് കെ.എസ് അലി തങ്ങള്‍ കുമ്പോല്‍, 15ന് എന്‍.പി.എം സൈനുല്‍ ആബിദീന്‍ തങ്ങള്‍ കുന്നുംകൈ മുഖ്യാതിഥികളാവും.
സമാപന ദിവസമായ 16ന് രാത്രി 8.30ന് നടക്കുന്ന കൂട്ടപ്രാര്‍ഥനക്ക് നജ്മുദ്ദീന്‍ തങ്ങള്‍ ഹൈദ്രൂസി നേതൃത്വം നല്‍കും.
 17ന് ഉച്ചയ്ക്ക് രണ്ടിന് മൗലീദ് പാരായണവും വൈകുന്നേരം നാലിന് അന്നദാനവും ഉണ്ടായിരിക്കുമെന്ന് സംഘാടക സമിതി ഭാരവാഹികളായ മൂസാന്‍ ഹാജി, ടി.എ മൊയ്തു, മുനീര്‍ ഹുദവി, എം.കെ അബൂബക്കര്‍, മൊയ്തീന്‍ കല്ലട്ര, ഫക്രുദ്ധീന്‍ സുല്‍ത്താന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.