കുമ്പള: മൊഗ്രാല്‍പുത്തൂര്‍ പഞ്ചായത്തിനു സമീപത്തുള്ള ബസ് സ്റ്റോപ്പിനു മുന്‍പില്‍ ഇന്നലെ വൈകുന്നേരമുണ്ടായ വാഹനാപകടത്തില്‍ ദമ്പതികള്‍ക്ക് പരുക്ക്. ബൈക്കില്‍ സഞ്ചരിച്ചിരുന്ന മൊഗ്രാല്‍ പുത്തൂര്‍ കുന്നില്‍ സ്വദേശികളായ കബീര്‍ (27), ഭാര്യ ഖമറുന്നിസ (21) എന്നവര്‍ക്കാണ് പരുക്കേറ്റത്.
 റോഡരികില്‍ നിര്‍ത്തിയിട്ടിരിക്കുകയായിരുന്ന ബസില്‍ ബൈക്ക് വന്നിടിക്കുകയായിരുന്നു. അപകടത്തില്‍ പരുക്ക് പറ്റിയ ദമ്പതികളെ എസ്.ഐ അജിത് കുമാറിന്റെ നേതൃത്വത്തിലുള്ള പൊലിസ് സംഘമെത്തി ആദ്യം കാസര്‍കോട് സ്വകാര്യ ആശുപത്രിയിലും പിന്നീട് മംഗളൂരിവിലെ സ്വകാര്യ ആശുപത്രിയിലും പ്രവേശിപ്പിച്ചു. പ്രദേശത്ത് ബസ് റോഡില്‍ നിര്‍ത്തിയിടുന്നത് അപകടങ്ങള്‍ക്ക് കാരണമാവുന്നുണ്ടെന്നു നാട്ടുകാര്‍ നിരന്തരമായി പരാതി ഉന്നയിച്ചിട്ടും അധികൃതര്‍ നടപടി എടുത്തിരുന്നില്ല.