കാസര്‍കോട്: ജില്ലയിലെ ലൈബ്രറികളില്‍ സൗജന്യമായി 'സുപ്രഭാതം' വിതരണം ചെയ്യുന്ന'സൗഹൃദം സുപ്രഭാതം' പദ്ധതിയുടെ ജില്ലാതല ഉദ്ഘാടനം നടന്നു.
'സുപ്രഭാതം' കാസര്‍കോട് ജില്ലാ ബ്യൂറോയില്‍ നടന്ന ചടങ്ങില്‍ എസ്.വൈ.എസ് സംസ്ഥാന വൈസ് പ്രസിഡന്റ് ഡോ. ഖത്തര്‍ ഇബ്രാഹിം ഹാജി കളനാട് 'സുപ്രഭാതം' കണ്ണൂര്‍ യൂനിറ്റ് ഡസ്‌ക് ചീഫ് ഷിജിത്ത് കാട്ടൂരിനു ഫണ്ടു കൈമാറിയാണു പദ്ധതിയുടെ ഉദ്ഘാടനം നിര്‍വഹിച്ചത്.
അഡ്മിനിസ്‌ട്രേറ്റിവ് ഓഫിസര്‍ ഇസെഡ്. എം മുഹമ്മദ് ഷെരീഫ് അധ്യക്ഷനായി. കാസര്‍കോട് ജില്ലാ സര്‍ക്കുലേഷന്‍ മാനേജര്‍ മൊയ്തു ചെര്‍ക്കള, റിപ്പോര്‍ട്ടര്‍ വി.കെ പ്രദീപ് സംസാരിച്ചു. ജില്ലയിലെ 'സുപ്രഭാതം' റിപ്പോര്‍ട്ടര്‍മാര്‍ തുടങ്ങിയവര്‍ സംബന്ധിച്ചു.
ജില്ലയിലെ ക്ലബുകളിലും വായനശാലകളിലും ഗ്രന്ഥാലയങ്ങളിലും സൗജന്യമായി 'സുപ്രഭാതം' വിതരണം ചെയ്യുന്നതാണു പദ്ധതി.
സ്‌പോണ്‍സര്‍മാരെ കണ്ടെത്തിയാണു പദ്ധതി നടപ്പാക്കുന്നത്.