എരുമപ്പെട്ടി: വീട്ടുകാരെ ഭീതിയുടെ മുള്‍മുനയില്‍ നിര്‍ത്തിയ മൂര്‍ഖന്‍ പാമ്പ് ഒടുവില്‍ ശ്രീക്കുട്ടന് മുന്നില്‍ പത്തി മടക്കി. കുണ്ടന്നൂര്‍ തെക്കേക്കരയില്‍ ചാഴിക്കുളം ശങ്കുണ്ണിയുടെ വീട്ടിലാണ് മൂര്‍ഖന്‍ കയറിയത്. ഉച്ചയൂണ് കഴിഞ്ഞു വിശ്രമിക്കുമ്പോഴാണ് പാമ്പ് ഇഴഞ്ഞു നടക്കുന്നത് ശങ്കുണ്ണിയുടെ ശ്രദ്ധയില്‍പ്പെട്ടത്. പുറത്തേക്ക് ആട്ടിയകറ്റാന്‍ ശ്രമിച്ചപ്പോള്‍ കിടപ്പുമുറിയില്‍ കയറിയ മൂര്‍ഖന്‍ അലമാരയ്ക്കു പിന്നില്‍ ഒളിച്ചു.
അവസാനം പാമ്പുപിടുത്തത്തില്‍ വിദഗ്ധനായ പേരാമംഗലം സ്വദേശി തടത്തില്‍ ശ്രീകുട്ടനെ വിവരമറിയിച്ചത്. ശ്രീകുട്ടനെത്തി അലമാര മാറ്റി പാമ്പിനെ പിടികൂടുകയായിരുന്നു. മണിക്കൂറുകളോളം വീട്ടുകാരെ ഭീതിയിലാക്കിയ മുര്‍ഖന്‍ അവസാനം ശ്രീകുട്ടന് മുന്നില്‍ കീഴടങ്ങി.