കൊല്‍ക്കൊത്ത: പശ്ചിമ ബംഗാളില്‍ തൃണമൂല്‍ കോണ്‍ഗ്രസ് ഓഫിസ് സ്‌ഫോടനത്തില്‍ തകര്‍ന്നു. മൂന്നു പേര്‍ക്ക് പരുക്കേറ്റു.

ബുര്‍ദ്‌വാന്‍ ജില്ലയിലെ പാര്‍ട്ടിയുടെ പ്രാദേശിക ഓഫിസാണ് വൈകിട്ട് ആറുമണിയോടെ ശക്തമായ സ്‌ഫോടനത്തില്‍ തകര്‍ന്നത്.

ഓഫിസിനുള്ളില്‍ സൂക്ഷിച്ചിരുന്ന സ്‌ഫോടകവസ്തുക്കള്‍ പൊട്ടിത്തെറിച്ചതാണ് അപകടകാരണമെന്നാണ് പൊലിസിന്റെ പ്രാഥമിക നിഗമനം.

പരുക്കേറ്റവരെ ആശുപത്രിയില്‍ പ്രവേശിപ്പിച്ചു. പൊലിസ് അന്വേഷണം ആരംഭിച്ചിട്ടുണ്ട്.