വടകര: കോ-ഓപറേറ്റീവ് കോളജില്‍ റാഗിങ്ങില്‍ വിദ്യാര്‍ഥിക്കു പരുക്ക്. ബി.ബി.എ ഒന്നാം വര്‍ഷ വിദ്യാര്‍ഥി കസ്റ്റംസ് റോഡ് സി.കെ ഹൗസ് ദില്‍ഷാദിനാണ് (18) പരുക്കേറ്റത്.
വലതുകൈക്കു പരുക്കേറ്റ ദില്‍ഷാദ് സ്വകാര്യ ആശുപത്രിയില്‍ ചികിത്സ തേടി. ബഹുമാനിച്ചില്ലെന്നു പറഞ്ഞ് മുതിര്‍ന്ന വിദ്യാര്‍ഥികള്‍ മര്‍ദിക്കുകയായിരുന്നുവെന്നാണു പരാതി.
സി.സി.ടി.വി കാമറയില്‍ മര്‍ദനം നടന്നതിന്റെ ദൃശ്യങ്ങളുണ്ടെന്നും പരാതിയില്‍ പറയുന്നു. കുറ്റക്കാര്‍ക്കെതിരേ നടപടി തേടി ദില്‍ഷാദ് വടകര പൊലിസിനെ സമീപിച്ചിരിക്കുകയാണ്.