ബാഴ്‌സലോണ: അടുത്ത ആഴ്ച കോപ ഡെല്‍റെയുടെ ഫൈനലിനൊരുങ്ങുന്ന ബാഴ്‌സലോണക്ക് തിരിച്ചടി. സൂപ്പര്‍ താരം ബാഴ്‌സയുടെ ഒന്നാം നമ്പര്‍ ഗോള്‍കീപ്പറുമായ ടെര്‍ സ്റ്റിഗന് പരുക്കേറ്റതാണ് പുതിയ തിരിച്ചടിയായത്. സുവാരസ്, ഉസ്മാന്‍ ഡംബലെ എന്നിവര്‍ക്ക് നേരത്തെ പരുക്കേറ്റിരുന്നു. ഇരുവരും സീസണില്‍ ഇനി കളിക്കില്ലെന്ന് പറഞ്ഞിരുന്നു. അതിന് പിറകെയാണ് സ്റ്റിഗന്റെ പരുക്ക് വിവരങ്ങള്‍ പുറത്തുവരുന്നത്. പരുക്കേറ്റ സ്റ്റിഗന് ഈ സീസണില്‍ കളിക്കാന്‍ കഴിയില്ലെന്നാണ് വിവരം. മികച്ച ഫോമിലുള്ള കീപ്പറുടെ സേവനം നഷ്ടമായാല്‍ ബാഴ്‌സക്ക് കനത്ത തിരിച്ചടിയാകും.
ടെര്‍ സ്റ്റിഗന്റെ അഭാവത്തില്‍ സിലസനാകും ബാഴ്‌സലോണയുടെ വല കാക്കുക. വലന്‍സിയക്കെതിരേയുള്ള കോപ ഡെല്‍ റെ ഫൈനല്‍ ഈ മാസം 25ന് നടക്കും.