ലണ്ടന്‍: ഓണ്‍ലൈനില്‍ ബുക്കിങ് നടത്തിയ യാത്രക്കാരുടെ വിവരങ്ങള്‍ ചോര്‍ന്നതായി ബ്രിട്ടിഷ് എയര്‍വേയ്‌സ്. ഓഗസ്റ്റ് 21 മുതല്‍ സെപ്റ്റംബര്‍ അഞ്ച് വരെ കമ്പനി വെബ്‌സൈറ്റിലൂടെയും മൊബൈല്‍ ആപ്പിലൂടെയും ഇടപാട് നടത്തിയ 380,000 പേരുടെ വിവരങ്ങളാണ് ചോര്‍ന്നത്.
എന്നാല്‍ ഇവരുടെ പാസ്‌പോര്‍ട്ട് വിവരങ്ങളോ യാത്രാ വിവരങ്ങളോ ചോര്‍ന്നിട്ടില്ലെന്ന് കമ്പനി അറിയിച്ചു.
സംഭവത്തെ കുറിച്ച് അന്വേഷണം നടക്കുകയാണെന്ന് ബ്രിട്ടിഷ് എയര്‍വേയ്‌സ് ചെയര്‍മാന്‍ അലക്‌സ് ക്രൂസ് അറിയിച്ചു.
അതേസമയം, വിവര ചോര്‍ച്ച സംബന്ധിച്ച് തങ്ങളെ അറിയിച്ചില്ലെന്ന് പറഞ്ഞ് നിരവധി യാത്രക്കാര്‍ പ്രതിഷേധവുമായി രംഗത്തെത്തി.