പാലക്കാട് : മുസ്‌ലിം വിദ്യാഭ്യാസ ഇന്‍സ്‌പെക്ടര്‍ (ഐ.എം.ഇ) നിയമനം തുടങ്ങിയിട്ട് 53 വര്‍ഷങ്ങള്‍ പിന്നിട്ട ശേഷം ഈ സ്ഥാനത്തെത്തുന്ന ആദ്യ വനിതയാണ് കെ. സഫിയ. പാലക്കാട് പി.എം.ജി. ഹയര്‍സെക്കണ്ടറി സ്‌കൂളിലെ അധ്യാപികയാണ് കെ. സഫിയ. ഐഎംഇ നിയമനത്തിന് വേണ്ടുന്ന പൂര്‍ണ്ണ യോഗ്യതയായ ബിഇ.ഡി ന് പുറമെ എം.എ. യും അക്കൗണ്ടന്റ് ടെസ്റ്റ്, കെഇആര്‍, സെറ്റ് എന്നീ പരീക്ഷകളും പാസായിട്ടുണ്ട്. ഐഎംഇ യുടെ ഉദ്യാഗസ്ഥയായി മലപ്പുറത്താണ് കെ സഫിയക്ക് നിയമനം ലഭിച്ചിട്ടുള്ളത്.