വെഞ്ഞാറമൂട്: കേരളാ അക്വാട്ടിക് അസോസിയേഷന്റെ ആഭിമുഖ്യത്തില്‍ പിരപ്പന്‍കോട് ഡോ. അംബേദ്കര്‍ ഇന്റര്‍നാഷണല്‍ അക്വാട്ടിക് കോംപ്ലക്‌സില്‍ നടന്ന സംസ്ഥാനതല ജൂനിയര്‍-സബ്ജൂനിയര്‍ നീന്തല്‍ മത്സരങ്ങളില്‍ തിരുവനന്തപുരം ജില്ല ഇരുവിഭാഗങ്ങളിലെയും ജേതാക്കളായി. ജൂനിയര്‍ വിഭാഗത്തില്‍ 784ഉം സബ്ജൂനിയര്‍ വിഭാഗത്തില്‍ 511 പോയിന്റുകളും നേടിയാണ് തിരുവനന്തപുരം ടീം നേട്ടം കൈവരിച്ചത്.
ജൂനിയര്‍ വിഭാഗത്തില്‍ 684ഉം സബ്ജൂനിയര്‍ വിഭാഗത്തില്‍ 411 പോയിന്റും നേടിയ എറണാകുളം ജില്ലക്കാണ് രണ്ടാംസ്ഥാനം.