എടപ്പാള്‍: മെയ് 12 വരെ പെരുമ്പറമ്പില്‍ നടക്കുന്ന സോപാനം വാദ്യോത്സവം മൂന്നാം ദിനത്തിലേക്ക് കടന്നു.
ഇന്നലെ മാപ്പിള കലാ അക്കാദമി എടപ്പാള്‍ ചാപ്റ്ററിന്റെ നേതൃത്വത്തില്‍ നടന്ന ചീനിമുട്ട് ശ്രദ്ധേയമായിരുന്നു. മുളസംഗീതം, ഇരുള നൃത്തം, ഉടുക്കുകൊട്ടിപ്പാട്ട്, നന്തുണിപ്പാട്ട്, സന്ധ്യവേല, തായമ്പകയും നടന്നു.
ഇന്ന് ഹരിദാസ് മാംഗ്ലൂര്‍ ഒരുക്കുന്ന സാക്‌സോഫോണ്‍, വടകര കെ.വി.കുമാരനും സംഘവും അവതരിപ്പിക്കുന്ന തുടികൊട്ട്, നീലേശ്വരം ദ്രാവിഡ കലാസമിതി ഒരുക്കുന്ന മുളംചെണ്ടണ്ടമേളം, പെരുങ്ങോട് സുബ്രഹ്മണ്യനും സംഘവും അവതരിപ്പിക്കുന്ന ഇടക്ക വിസ്മയം, കലാമണ്ഡലം വിദ്യാര്‍ഥികള്‍ അവതരിപ്പിക്കുന്ന തിമിലയിടച്ചില്‍, വരവൂര്‍ അപ്പുവും സംഘവും അവതരിപ്പിക്കുന്ന കൊമ്പു പറ്റ്, ഒറ്റപ്പാലം ഹരിയും സംഘവും അവതരിപ്പിക്കുന്ന പഞ്ചാരി പഞ്ചവാദ്യം തുടങ്ങിയ കലാവിരുന്നുകള്‍ നടക്കും.