പടഞ്ഞാറത്തറ: ഇന്ത്യന്‍ റെഡ് ക്രോസ് സൊസൈറ്റി ജില്ലാ ബ്രാഞ്ചിന്റെ ആഭിമുഖ്യത്തില്‍ പടഞ്ഞാറത്തറ ഗ്രാമ പഞ്ചായത്തില്‍ കാപ്പിക്കളം കുറ്റിയാംവയല്‍ മേഖലയെ ഒരു വര്‍ഷത്തിനുള്ളില്‍ ഇന്ത്യയിലെ ആദ്യത്തെ റെഡ്‌ക്രോസ് ഗ്രാമമാക്കുന്നതിനുള്ള പ്രവര്‍ത്തനങ്ങളുടെ ഉദ്ഘാടനവും പ്രഥമ ശ്രുശൂഷ ക്ലാസും കുറ്റിയാംവയല്‍ സണ്‍ഡേ സ്‌കൂള്‍ ഹാളില്‍ നടത്തി.
ജില്ലാ പഞ്ചായത്ത് പ്രസിഡന്റ് ടി ഉഷാ കുമാരി ഉദ്ഘാടനം ചെയ്തു. റെഡ് ക്രോസ് ജില്ലാ ചെയര്‍മാന്‍ അഡ്വ. ജോര്‍ജ് വാത്തുപറമ്പില്‍ അധ്യക്ഷനായി. ജില്ലാ പഞ്ചയാത്ത് അംഗം കെ.ബി നസീമ, ബ്ലോക്ക് പഞ്ചായത്ത് അംഗം ജിന്‍സി സണ്ണി, ക്ലീറ്റസ്, ഡോ. ഫാ. മാത്തായി അതിരമ്പുഴ, എം.പി ബാലകുമാര്‍, ഷമീര്‍ ചേനക്കല്‍, ജനകീയ കമ്മിറ്റി കണ്‍വീനര്‍ ശാന്തിനി ഷാജി, ജനകീയ കമ്മിറ്റി സെക്രട്ടറി കമല്‍ ജോസഫ് സംസാരിച്ചു.
സുനില്‍ ബാബു ബത്തേരി, മനോജ് എം എരനല്ലൂര്‍, അക്ബര്‍ അലി ക്ലാസുകള്‍ നടത്തി.