പയ്യന്നൂര്‍: കഴിഞ്ഞദിവസം രാത്രിയുണ്ടായ ശക്തമായ കാറ്റിലും മഴയിലും വ്യാപക നഷ്ടം. പയ്യന്നൂര്‍ സ്റ്റേഡിയത്തില്‍ നടക്കുന്ന അഗ്രിഫെസ്റ്റിന്റെ പ്രവേശന കവാടം തകര്‍ന്നു. പ്രദര്‍ശനം താല്‍കാലികമായി നിര്‍ത്തിവച്ചതായും 12 മുതല്‍ പുനരാംരംഭിക്കുമെന്നും സംഘാടകര്‍ അറിയിച്ചു. ടൗണിലെ കടകളുടെയും മറ്റും ബോര്‍ഡുകള്‍ കാറ്റില്‍ തകര്‍ന്നുവീണു. മരങ്ങള്‍ കടപുഴകി വീണു.
ശക്തമായ കാറ്റില്‍ കരിവെള്ളൂര്‍ തെരുവിലെ കെ.വി നാരായണന്റെ വീടിനുമുകളില്‍ തെങ്ങ് വീണു. ആളപായമുണ്ടായില്ല. രാമന്തളിയിലും കാങ്കോലിലും വൈദ്യുത ലൈനുകള്‍ പൊട്ടിവീണു