കോഴിക്കോട്: ജില്ലയിലെ വിവിധ സാമൂഹ്യ പ്രാഥമിക ആരോഗ്യ കേന്ദ്രങ്ങളിലും ആശുപത്രികളിലും ഒഴിഞ്ഞുകിടക്കുന്ന ഫാര്‍മസിസ്റ്റ് തസ്തികകള്‍ പി.എസ്.സി റാങ്ക് ലിസ്റ്റ് പ്രസിദ്ധീകരിച്ച് നിയമനത്തിനായുള്ള നടപടികള്‍ സ്വീകരിക്കണമെന്ന് മെഡിക്കല്‍ കോളജ് എം.ഐ.എം ഓഡിറ്റോറിയത്തില്‍ ചേര്‍ന്ന ഫാര്‍മസിസ്റ്റ് സംഗമം ആവശ്യപ്പെട്ടു. കെ.ജി.പി.എ സംസ്ഥാന കമ്മിറ്റി അംഗം എം.കെ പ്രേമാനന്ദന്‍ സംഗമം ഉദ്ഘാടനം ചെയ്തു. കെ. നിഷിദ അധ്യക്ഷയായി. ജയന്‍ കോറോത്ത്, പി. പ്രവീണ്‍, പി. രൂപേഷ്, പി. ബബീഷ്, പി.കെ മുനവിറുദ്ദീന്‍ സംസാരിച്ചു.
ജില്ലയിലെ ഫാര്‍മസിസ്റ്റ് ഗ്രേഡ് രണ്ട് ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികളുടെ കൂട്ടായ്മക്ക് സംഗമം രൂപം നല്‍കി. കെ. നിഷിദ (പ്രസിഡന്റ്), പി.കെ മുനവിറുദ്ധീന്‍, അര്‍ഷിദ (വൈസ് പ്രസിഡന്റ്), പി. ബബീഷ് (സെക്രട്ടറി), പി. ജിന്‍സി, യാസീന സലാം (ജോ. സെക്രട്ടറി), രാജീവ് (ട്രഷറര്‍) എന്നിവരെ തിരഞ്ഞെടുത്തു.
കുന്ദമംഗലത്ത് വൈദ്യുതി മുടക്കം;
വ്യാപാരികള്‍ നിവേദനം നല്‍കി