പത്തനംതിട്ട: പോപ്പുലര്‍ ഫിനാന്‍സിന്റെ ആസ്തികള്‍ കണ്ടുകെട്ടാന്‍ പത്തനംതിട്ട കളക്ടര്‍ പി.ബി. നൂഹിന്റെ ഉത്തരവ്. ഹൈക്കോടതി നിര്‍ദേശ പ്രകാരമാണ് നടപടി. സ്ഥാപനങ്ങള്‍ അടച്ചു പൂട്ടി താക്കോല്‍ കളക്ടര്‍ക്ക് മുന്നില്‍ ഹാജരാക്കാന്‍ പൊലിസ് മേധാവിയ്ക്ക് നിര്‍ദ്ദേശം നല്‍കി.

ആവശ്യമെങ്കില്‍ ആസ്തികള്‍ക്ക് പൊലിസ് കാവല്‍ ഏര്‍പ്പെടുത്തണം. വാഹനങ്ങളുടെ കൈമാറ്റം തടയണമെന്നും കളക്ടര്‍ വ്യക്തമാക്കി.

പോപ്പുലര്‍ ഫിനാന്‍സുമായി ബന്ധപ്പെട്ട് ഇതുവരെ 389 കേസുകള്‍ രജിസ്റ്റര്‍ ചെയ്തതായി സര്‍ക്കാര്‍ കോടതിയില്‍അറിയിച്ചു. കേസിന്റെ അന്വേഷണ പുരോഗതി റിപ്പോര്‍ട്ട് സമര്‍പ്പിക്കാന്‍ കോടതി പൊലിസിന് നിര്‍ദ്ദേശം നല്‍കി.