സംസ്ഥാനത്ത് പ്രവചനങ്ങള്‍ക്കും മുന്നിലോടി യു.ഡി.എഫ്. 20 സീറ്റില്‍ 19 സീറ്റിലും യു.ഡി.എഫ് ലീഡ് ചെയ്യുകയാണ്. വിജയ പ്രതീക്ഷ കുറവായിരുന്ന പാലക്കാട്ടും ആറ്റിങ്ങലിലും വലിയ മുന്നേറ്റമാണ് യു.ഡി.എഫ് കാഴ്ച വയ്ക്കുന്നത്. ആലത്തൂരില്‍ രമ്യ ഹരിദാസ് ലീഡ് ചെയ്യുന്നു. ശക്തമായ പോരാട്ടം നടന്ന വടകരയില്‍ യു.ഡി.എഫിലെ കെ. മുരളീധരനാണ് മുന്നേറുന്നത്. കാസര്‍കോട് രാജ്‌മോഹന്‍ ഉണ്ണിത്താന്‍, കണ്ണൂര്‍ കെ. സുധാകരന്‍, വയനാട് രാഹുല്‍ ഗാന്ധി, കോഴിക്കോട് എം.കെ രാഘവന്‍, മലപ്പുറം പി.കെ കുഞ്ഞാലിക്കുട്ടി, പൊന്നാനി ഇ.ടി മുഹമ്മദ് ബഷീര്‍, പാലക്കാട് വി.കെ ശ്രീകണ്ഠന്‍, തൃശൂര്‍ ടി.എന്‍ പ്രതാപന്‍, ചാലക്കുടി ബെന്നി ബെഹനാന്‍, എറണാകുളം ഹൈബി ഈഡന്‍, മാവേലിക്കര കൊടിക്കുന്നില്‍ സുരേഷ്, കോട്ടയം തോമസ് ചാഴികാടന്‍, ഇടുക്കി ഡീന്‍ കുര്യാക്കോസ്, പത്തനംതിട്ട ആന്റോ ആന്റണി, ആറ്റിങ്ങല്‍ അടൂര്‍ പ്രകാശ്, തിരുവനന്തപുരം ശശി തരൂര്‍ എന്നിവരാണ് ലീഡ് ചെയ്യുന്നത്.