ബ്യൂണസ് അയേഴ്‌സ്: ബധിരരായ പെണ്‍കുട്ടികളെ പുരോഹിതന് കാഴ്ചവച്ച കേസില്‍ കന്യാസ്ത്രീയെ അറസ്റ്റ് ചെയ്തു. അര്‍ജന്റീനയിലെ സ്‌കൂളിലാണ് സംഭവം. ജപ്പാനീസ് വംശജയായ കന്യാസ്ത്രീ കൊസാക കുമികോ(42) ആണ് അറസ്റ്റിലായത്.
കുട്ടികളെ പ്രകൃതിവിരുദ്ധ പീഡനത്തിനു വിധേയമാക്കിയെന്ന് പൊലിസ് പറഞ്ഞു. ക്രൂരമായ ബലാത്സംഗത്തിനാണ് കുട്ടികള്‍ ഇരയായത്. പൂന്തോട്ടം, ബാത്ത്‌റൂം, ഹോസ്റ്റല്‍ എന്നിവിടങ്ങളിലാണ് കുട്ടികള്‍ പീഡനത്തിന് ഇരയായത്. ലുജാന്‍ ഡെ കുയോയിലെ കുട്ടികള്‍ക്കുള്ള അന്റോണിയോ പ്രൊവാലോ ഇന്‍സ്റ്റിറ്റ്യൂട്ടിലാണ് സംഭവം.
സ്ഥാപനത്തിലെ മുന്‍ വിദ്യാര്‍ഥിനിയാണ് കുമികോക്കെതിരേ ആരോപണം ഉന്നയിച്ചത്. തന്നെ പുരോഹിതന്‍ ഹൊറാസിയോ കോര്‍ബാച്ചോ പീഡിപ്പിച്ചുവെന്നാണ് കുട്ടി പരാതിപ്പെട്ടത്. കന്യാസ്ത്രീ കുറ്റം നിഷേധിച്ചു.
പുരോഹിതനായ നിക്കോള കൊറാഡി ഉള്‍പ്പെടെ മൂന്നു പുരുഷന്മാരെയും സമാന രീതിയിലുള്ള കേസില്‍ നേരത്തെ അറസ്റ്റ് ചെയ്തിരുന്നു.