മട്ടന്നൂര്‍: നിയന്ത്രണംവിട്ട കാര്‍ നിര്‍ത്തിയിട്ട ബസിനു പിന്നിലിടിച്ച് യാത്രക്കാരനു പരുക്കേറ്റു. കാര്‍ ഓടിച്ചിരുന്ന ഇരിട്ടി കീഴൂര്‍ ഗിരീഷ് നിവാസില്‍ രജീഷിനാണു (29) പരുക്കേറ്റത്. ഇയാളെ തലശ്ശേരിയിലെ ആശുപത്രിയില്‍ പ്രവേശിപ്പിച്ചു. ഉച്ചയ്ക്ക് ഒന്നരയോടെ വെള്ളിയാംപറമ്പില്‍ തെരൂര്‍ പാലയോട് റോഡ് ജങ്ഷനു സമീപമായിരുന്നു അപകടം. പട്ടാന്നൂര്‍ കെ.പി.സി ഹയര്‍സെക്കന്‍ഡറി സ്‌കൂളിന്റെ ബസിനു പിന്നിലാണു കാറിടിച്ചത്.