ഡല്‍ഹി: ഹരിയാനയിലെ ഝജ്ജാര്‍ ജില്ലയില്‍ തിങ്കളാഴ്ച രാവിലെ ചെറിയ തോതില്‍ ഭൂചലനമുണ്ടായി. റിക്ടര്‍ സ്‌കെയിലില്‍ 3.6 തീവ്രത രേഖപ്പെടുത്തിയ ഭൂചലനമാണുണ്ടായത്.

10 കിലോ മീറ്റര്‍ ആഴത്തില്‍ രാവിലെ 6.28 ഓടെയായിരുന്നു ഭൂചലനം. ഡല്‍ഹിയിലും ഉത്തര്‍പ്രദേശിലും ഇതിന്റെ പ്രകമ്പനം ഉണ്ടായെന്ന് മാധ്യമങ്ങള്‍ റിപ്പോര്‍ട്ട് ചെയ്തു. ആളപായങ്ങളോ നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.

ഞായറാഴ്ച ഉച്ചതിരിഞ്ഞും ഝജ്ജാറില്‍ ഭൂചലനമുണ്ടായിരുന്നു. 3.8 ആയിരുന്നു തീവ്രത. 24 മണിക്കൂറിനിടെ ഇവിടെ രണ്ടാമത്തെ ഭൂചലനമാണ് ഉണ്ടായിരിക്കുന്നത്.