കൊടകര: തൃശൂര്‍ ജില്ലാ ടീച്ചേഴ്‌സ് സഹകരണ സംഘത്തിന്റെ വാര്‍ഷിക യോഗവും, വിദ്യാഭ്യാസ പുരസ്‌കാര വിതരണവും വിരമിക്കുന്ന സെക്രട്ടറിക്കുള്ള യാത്രയയപ്പ് സമ്മേളനവും വിദ്യാഭ്യാസ മന്ത്രി സി. രവീന്ദ്രനാഥ് ഉദ്ഘാടനം ചെയ്തു.
ചാലക്കുടി എം.എല്‍.എ ബി.ഡി ദേവസി അദ്ധ്യക്ഷനായി.
കൊടകര ബ്ലോക്ക് പഞ്ചായത്ത് പ്രസിഡന്റ് അമ്പിളി സോമന്‍, കൊടകര പഞ്ചായത്ത് പ്രസിഡന്റ് പി ആര്‍ പ്രസാദന്‍, ജില്ലാ പഞ്ചായത്ത് സ്ഥിരം സമിതി ചെയര്‍മാന്‍ കെ ജെ ഡിക്‌സണ്‍, മിനി ദാസന്‍, സി.പി.ഐ. എം ജില്ലാ കമ്മിറ്റി അംഗം പി കെ ശിവരാമന്‍, കെ എസ് ടി എ ജില്ലാ പ്രസിഡന്റ് കെ. ജി മോഹനന്‍, കെ.സി.ഈ.യു ജില്ലാ സെക്രട്ടറി സുകു കെ ഇട്ടിയേശന്‍, സംഘം പ്രസിഡന്റ് പി സുരേന്ദ്രന്‍, വൈസ് പ്രസിഡന്റ് വി വി ശശി, സെക്രട്ടറി വി കുമാരി, കെ ജി അനാമിക സംസാരിച്ചു.