തലശ്ശേരി: തികച്ചും കച്ചവട താല്‍പര്യമാണ് പുതിയ ഓപണ്‍ സര്‍വകലാശാലയിലൂടെ ലക്ഷ്യമിടുന്നതെന്ന് പാരലല്‍ കോളജ് അസോസിയേഷന്‍ സംസ്ഥാന സെക്രട്ടറി കെ.ആര്‍ അശോക് കുമാര്‍ പറഞ്ഞു. പതിറ്റാണ്ടുകളായി ലക്ഷക്കണക്കിനു വിദ്യാര്‍ഥികളാണ് സംസ്ഥാനത്ത് വിദൂര വിദ്യാഭ്യാസ സ്ഥാപനങ്ങള്‍ വഴി പഠിച്ചിറങ്ങുന്നത്. റഗുലര്‍ കോളജിന്റെ അതേ സിലിബസും സര്‍ട്ടിഫിക്കറ്റുകളുമാണ് ഇവര്‍ക്കു ലഭിക്കുന്നത്. ഓപണ്‍ സര്‍വകലാശാലയുടെ പിറവിയോടുകൂടി സമാന്തര വിദ്യാഭ്യാസ സ്ഥാപനങ്ങള്‍ അടച്ചുപൂട്ടേണ്ടി വരും.

ഒരു മേഖലയെ തകര്‍ക്കുന്ന സമീപനം സര്‍ക്കാരിന്റെ ഭാഗത്തുനിന്ന് ഉണ്ടാകരുത്. പ്രൈവറ്റ് രജിസ്‌ട്രേഷനുമായി ബന്ധപ്പെട്ട് സര്‍ക്കാര്‍ ആധികാരിക പഠനം നടത്തണമെന്നും അദ്ദേഹം ആവശ്യപ്പെട്ടു.