തൃശൂര്‍: റാഗിസ് സമൂഹത്തില്‍ നിന്ന് തുടച്ചുമാറ്റുക എന്ന ലക്ഷ്യത്തോടു കൂടി കെ.പി.സി.സി വിചാര്‍ വിഭാഗ് പാവറട്ടി ബ്ലോക്ക് കമ്മിറ്റിയുടെ നേതൃത്വത്തില്‍ ബോധവത്കരണ സെമിനാര്‍ നടത്തി. റാഗിങ്ങിനെതിരേ ശക്തമായ നിയമങ്ങളും അതിന്റെ നടപ്പാക്കലും ബോധവത്കരണവും ആവശ്യമാണെന്ന് യോഗം അഭിപ്രായപ്പെട്ടു.
വിവിധ മേഖലകളില്‍ കഴിവ് തെളിയിച്ചവര്‍ക്ക് സെമിനാറില്‍ അവാര്‍ഡുകള്‍ നല്‍കി ആദരിച്ചു. ഡി.സി.സി ജനറല്‍ സെക്രട്ടറി പി.കെ രാജന്‍ ഉദ്ഘാടനം ചെയ്തു. വിചാര്‍ വിഭാഗ് ബ്ലോക്ക് ചെയര്‍മാന്‍ ആന്റോ ലിജോ അധ്യക്ഷത വഹിച്ചു. കോണ്‍ഗ്രസ് ബ്ലോക്ക് പ്രസിഡന്റ് എ.ടി സ്റ്റീഫന്‍ മുഖ്യാതിഥിയായിരുന്നു. വിചാര്‍ വിഭാഗ് ജില്ലാ ചെയര്‍മാന്‍ ജെയിംസ് ചിറ്റിലപ്പിള്ളി പ്രതിഭകളെ ആദരിച്ചു.
ഖലീല്‍ റഹ്മാന്‍ വിഷയാവതരണം നടത്തി. എ.ടി ആന്റോ മാസ്റ്റര്‍, ഉമ്മര്‍ സലിം, സലാം വെന്മേനാട്, എം.ലോഹിതാക്ഷന്‍, ജോസഫ് തലക്കോട്ടുകര, ഡെന്നി ചിമ്മന്‍, ജെയ്‌സണ്‍ സി.ജി, സി.എഫ് ഷാജു മാസ്റ്റര്‍ പങ്കെടുത്തു. വിചാര്‍ വിഭാഗ് പാവറട്ടി ബ്ലോക്ക് കമ്മിറ്റി നടത്തിയ ബോധവത്കരണ സെമിനാര്‍ പി.കെ രാജന്‍ ഉദ്ഘാടനം ചെയ്യ്തു.