വെല്ലൂര്‍: ബാഖിയാത്തുസ്വാലിഹാത്ത് പരീക്ഷാഫലം പ്രഖ്യാപിച്ചു. മുത്വവ്വല്‍, മുഖ്തസര്‍ കോഴ്‌സുകളിലായി ആറു റാങ്കില്‍ അഞ്ചു റാങ്കും മലയാളികള്‍ക്ക്. മുത്വവ്വല്‍ കോഴ്‌സില്‍ കാസര്‍കോട് ജില്ലയിലെ ചെറുവത്തൂര്‍ കാടങ്കോട് സ്വദേശി മുഹമ്മദ് ഹസന്‍ ഒന്നാം സ്ഥാനവും കണ്ണൂര്‍ ജില്ലയിലെ ചെറുകുന്ന് സ്വദേശി ആസിഫ് രണ്ടാം സ്ഥാനവും നേടി.
കോഴിക്കോട് ജില്ലയിലെ ചെറുവണ്ണൂര്‍ സ്വദേശി മുഹമ്മദ് ശബീറിനാണ് മൂന്നാം സ്ഥാനം. മുഖ്തസ്വര്‍ കോഴ്‌സില്‍ പാലക്കാട് ജില്ലയിലെ മുതലമട ചുവട്ട്പാടം സ്വദേശി അബ്ദുസ്സമദ് ഒന്നാം സ്ഥാനം നേടിയപ്പോള്‍ ചിറക്കോട് സ്വദേശി സകരിയ്യ മൂന്നാം സ്ഥാനം നേടി.