ന്യൂഡല്‍ഹി: വന്‍ഭൂരിപക്ഷത്തില്‍ തന്നെ വിജയിപ്പിച്ച വയനാട്ടിലെ വോട്ടര്‍മാര്‍ക്ക് നന്ദി പറഞ്ഞ് രാഹുല്‍ ഗാന്ധി. നന്ദി നേരിട്ട് അറിയിക്കുന്നതിനും യു.ഡിഎഫ് പ്രവര്‍ത്തകരെ കാണുന്നതിനും ഉടന്‍ വയനാട്ടില്‍ എത്തുമെന്നും രാഹുല്‍ ട്വിറ്ററില്‍ കുറിച്ചു.
തന്റെ വിജയത്തിനായി പ്രവര്‍ത്തിച്ച യു.ഡി.എഫിന്റെ എല്ലാ പ്രവര്‍ത്തകരോടും തീര്‍ത്താല്‍ തീരാത്തത്ര നന്ദിയും കടപ്പാടുമുണ്ടെന്ന് രാഹുല്‍ നേരത്തെ ട്വിറ്ററില്‍ കുറിച്ചിരുന്നു. അതിനുപിന്നാലെയാണ് വയനാട്ടില്‍ എത്തുന്നതായി അറിയിച്ചിരിക്കുന്നത്.