എടവണ്ണപ്പാറ: വെട്ടുപാറ നെല്ലാരിലെ മത, സാമൂഹിക, സാംസ്‌കാരിക മേഖലകളില്‍ നിറ സാന്നിധ്യമായിരുന്ന മറ്റത്ത് അബ്ദുല്ലകുട്ടി മാസ്റ്ററുടെ പേരില്‍ മൈത്രി വെട്ടുപാറ നല്‍കുന്ന പുരസ്‌കാരം ജൈസല്‍ താനൂരിന് നല്‍കും.
പ്രളയത്തിനിടയില്‍ ബോട്ടില്‍ കയറാന്‍ ബുദ്ധിമുട്ടിയ സ്ത്രീകള്‍ക് സ്വന്തം ശരീരത്തെ ചവിട്ടു പടിയാക്കി കൊടുത്ത ജില്ലാ ട്രോമാകെയര്‍ വളണ്ടിയറാണ് ജൈസല്‍.
ജൈസലിന്റെ മനുഷ്യത്വ പരമായ പ്രവൃത്തി കണക്കിലെടുത്താണ് പുരസ്‌കാരം നല്‍കുന്നത്. മൊമെന്റോയും ക്യാഷ് അവാര്‍ഡും അടങ്ങുന്ന പുരസ്‌കാരം 23ന് വെട്ടുപാറയില്‍ നടക്കുന്ന പരിപാടിയില്‍ കൈമാറും.