മനാമ: ബഹ്‌റൈനില്‍ മനുഷ്യക്കടത്ത് തടയാനുള്ള വിപുലമായ സംവിധാനങ്ങളുമായി അധികൃതര്‍ രംഗത്ത്. ഇതിന്റെ ഭാഗമായി 

മനുഷ്യക്കടത്തിന് വിധേയരാവുന്ന ഇരകള്‍ക്കായി 'റഫറല്‍ സംവിധാനം' ഏര്‍പ്പെടുത്തും.

ദേശീയ മനുഷ്യക്കടത്ത് വിരുദ്ധ സമിതിയുടെ കീഴിലാണിത് നടപ്പിലാക്കുന്നത്. ഇതോടെ, ഗള്‍ഫ് മേഖലയില്‍ മനുഷ്യക്കടത്തിന് ഇരയാകുന്നവര്‍ക്കായി റഫറല്‍ സംവിധാനം ഏര്‍പ്പെടുത്തുന്ന ആദ്യ രാജ്യമായി ബഹ്‌റൈന്‍ മാറും.

മനുഷ്യക്കടത്ത് തടയുന്നതിന് 160 രാജ്യങ്ങളുമായി ബന്ധപ്പെട്ട് 460 ഓഫിസുകള്‍ പ്രവര്‍ത്തിക്കുന്നുണ്ടെന്ന് ഇന്റര്‍നാഷണല്‍ ഓര്‍ഗനൈസേഷന്‍ ഫോര്‍ മൈഗ്രേഷന്‍ റീജ്യനല്‍ പ്രൊജക്റ്റ് മാനേജ്‌മെന്റ് ഡയറക്ടര്‍ മുഹമ്മദ് അസ്സര്‍ഖാനി വിശദീകരിച്ചു.