പെരിന്തല്‍മണ്ണ: പട്ടിക്കാട് ജാമിഅ നൂരിയ്യയില്‍ വര്‍ഷംതോറും നടന്നുവരാറുള്ള മീലാദ് കോണ്‍ഫറന്‍സ് 18നു വൈകിട്ട് അഞ്ചിനു നടക്കും. കൊവിഡ് പ്രോട്ടോകോള്‍ പാലിച്ച് നടക്കുന്ന കോണ്‍ഫറന്‍സില്‍ പങ്കെടുക്കാന്‍ വിപുലമായ ഓണ്‍ലൈന്‍ സംവിധാനങ്ങളാണ് ഒരുക്കിയിട്ടുള്ളത്.
പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അധ്യക്ഷനാകും. പാണക്കാട് സാദിഖലി ശിഹാബ് തങ്ങള്‍ സമാപന പ്രാര്‍ഥന നിര്‍വഹിക്കും. ഡോ. അഹ്മദ് മഅ്ബദ് അബ്ദുല്‍ കരീം ഈജിപ്ത് മുഖ്യാതിഥിയാകും. ഡോ. അബ്ദുസ്സമീഅ് അല്‍ അനീസ് മുഖ്യപ്രഭാഷണം നടത്തും. വൈകിട്ട് 6.30നു നടക്കുന്ന മൗലിദ് സദസിന് ഏലംകുളം ബാപ്പു മുസ്‌ലിയാര്‍ നേതൃത്വം നല്‍കും. പി.കെ കുഞ്ഞാലിക്കുട്ടി എം.പി, കോട്ടുമല മൊയ്തീന്‍കുട്ടി മുസ്‌ലിയാര്‍, പി. അബ്ദുല്‍ ഹമീദ് എം.എല്‍.എ, അബ്ദുസ്സമദ് പൂക്കോട്ടൂര്‍, അബ്ദുല്‍ ഹമീദ് ഫൈസി അമ്പലക്കടവ്, സിംസാറുല്‍ ഹഖ് ഹുദവി, സ്വലാഹുദ്ദീന്‍ ഫൈസി വല്ലപ്പുഴ, ബശീര്‍ ഫൈസി ദേശമംഗലം പ്രസംഗിക്കും.
കോണ്‍ഫറന്‍സ്
വിജയിപ്പിക്കുക:
ആലിക്കുട്ടി മുസ്‌ലിയാര്‍
പെരിന്തല്‍മണ്ണ: ജാമിഅ നൂരിയ്യയില്‍ നടക്കുന്ന മീലാദ് കോണ്‍ഫറന്‍സ് വിജയിപ്പിക്കാന്‍ സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ ആഹ്വാനം ചെയ്തു. ഓണ്‍ലൈനായി നടക്കുന്ന മൗലിദ് പാരായണത്തിലും പ്രാര്‍ഥനയിലും എല്ലാ വീട്ടുകാരും പങ്കെടുക്കണം. ഇന്നു പള്ളികളില്‍ വിഷയം ഉണര്‍ത്തുകയും സംഘടനാ പ്രവര്‍ത്തകര്‍ സന്ദേശം പ്രചരിപ്പിക്കുകയും ചെയ്യണമെന്നും അദ്ദേഹം ആവശ്യപ്പെട്ടു.