കോട്ടയം: കോട്ടയത്തിന് സമീപം പുതുപ്പള്ളിയില്‍ കാറും കെ.എസ്.ആര്‍.ടി.സി ബസും കൂട്ടിയിടിച്ച് മൂന്നുപേര്‍ മരിച്ചു. ഒരാളുടെ നില ഗുരുതരം. വെള്ളിയാഴ്ച വൈകീട്ട് 5.45 ഓടെയായിരുന്നു അപകടം. ഒരു കുടുംബത്തിലെ കുട്ടികളടക്കം അഞ്ച് പേരാണ് അപകടത്തില്‍പെട്ടത്.

കോട്ടയം വടക്കേക്കര എല്‍.പി സ്‌കൂളിന് സമീപം കൊച്ചാലുംമൂട് വെച്ചാണ് അപകടമുണ്ടായത്. ചങ്ങനാശ്ശേരിയില്‍ നിന്ന് ഏറ്റുമാനൂരിലേക്ക് പോവുകയായിരുന്ന കെ.എസ്.ആര്‍.ടി.സി ബസിലേക്ക് കാര്‍ ഇടിച്ചു കയറുകയായിരുന്നു.
ഇടിയുടെ ആഘാതത്തില്‍ കാറിന്റെ മുന്‍ഭാഗം പൂര്‍ണമായും തകര്‍ന്നു. കാറിനുള്ളില്‍ കുടുങ്ങിയവരെ ഫയര്‍ഫോഴ്സ് എത്തിയാണ് പുറത്തെടുത്തത്.