ഹൈദരാബാദ്: ഇന്ത്യന്‍ ബാഡ്മിന്റണ്‍ താരം പി.വി സിന്ധുവും തായ്‌വാന്‍ താരം തായ് സുവും വീണ്ടും ഏറ്റുമുട്ടാനൊരുങ്ങുന്നു. ജപ്പാന്‍ ഓപ്പണിലായിരിക്കും ഇരുവരും നേര്‍ക്കു നേര്‍ വരിക. സെമി ഫൈനലിലെ സിന്ധുവിന്റെ എതിരാളിയായിട്ടായിരിക്കും തായ് സു എത്തുക. 2016 ഒളിംപിക്‌സിന് ശേഷം തായ്‌സുവും സിന്ധുവും ആറു തവണയാണ് ഏറ്റുമുട്ടിയത്. ഇതില്‍ ആറു തവണയും സിന്ധുവിന് പരാജയപ്പെടേണ്ടി വന്നു. ഇനിയൊരവസരം കിട്ടിയാല്‍ തായ് സുവിനെ പരാജയപ്പെടുത്തുമെന്ന് ഏഷ്യന്‍ ഗെയിംസിലെ പരാജയത്തിന് ശേഷം സിന്ധുവിന്റെ പരിശീലകന്‍ പുല്ലേല ഗോപീചന്ദ് പറഞ്ഞിരുന്നു. തായ് സുവിനെ എതിരാളിയായി കിട്ടാന്‍ കാത്തിരിക്കുകയാണ് സിന്ധുവെന്നും ഗോപീചന്ദ് പറഞ്ഞു.