റിയോ ഡി ജനീറോ: ബ്രസീലിലെ നാലു ജയിലുകളില്‍ രണ്ടു ദിവസങ്ങളിലുണ്ടായ കലാപങ്ങളില്‍ 55 തടവുകാര്‍ കൊല്ലപ്പെട്ടു. ആമസോനാസ് സംസ്ഥാനത്തിന്റെ തലസ്ഥാനത്തെ ജയിലിലാണ് കൂടുതല്‍ പേരും കൊല്ലപ്പെട്ടത്. ശ്വാസംമുട്ടി മരിച്ച നിലയില്‍ പുലര്‍ച്ചെ ഇവരെ കണ്ടെത്തിയതായി ജയില്‍ അധികൃതര്‍ പറഞ്ഞു.
തിങ്കളാഴ്ച മനാവുസിലെ ജയിലില്‍ 15 തടവുകാര്‍ കലാപത്തിനിടെ കൊല്ലപ്പെട്ടിരുന്നു. തടവുകാര്‍ തമ്മില്‍ ഏറ്റുമുട്ടുകയായിരുന്നുവത്രേ. കലാപത്തിനു പിന്നിലെ കാരണത്തെ കുറിച്ച് അധികൃതര്‍ അന്വേഷണം പ്രഖ്യാപിച്ചിട്ടുണ്ട്. 2017 ജനുവരിയിലുണ്ടായ ജയില്‍ കലാപത്തില്‍ 56 പേര്‍ കൊല്ലപ്പെട്ടിരുന്നു.
7,26,712 തടവുകാരുള്ള ബ്രസീല്‍ ഏറ്റവുമധികം തടവുകാരുള്ള ലോകത്തിലെ മൂന്നാമത്തെ രാജ്യമാണ്.