നിലമ്പൂര്‍: മെയ് 12,13,14 തിയതികളില്‍ കോട്ടുമല ബാപ്പുമുസ്‌ലിയാര്‍ നഗറില്‍ (ഒ.സി.കെ ഓഡിറ്റോറിയം) നടക്കുന്ന സമസ്ത മുസാഅദ സെന്റര്‍ കെട്ടിടോദ്ഘാടന, ബഹുമുഖ പരിപാടികള്‍ക്ക് നാളെ തുടക്കം കുറിക്കും. വെള്ളിയാഴ്ച വൈകിട്ട് 7ന് വഖഫ് ബോഡ് ചെയര്‍മാന്‍ പാണക്കാട് സയ്യിദ് റശീദലി ശിഹാബ് തങ്ങള്‍ ഉദ്ഘാടനം നിര്‍വഹിക്കും. സമസ്ത മുസാഅദ സെന്റര്‍ വര്‍ക്കിംഗ് സെക്രട്ടറി ഇ.കെ കുഞ്ഞമ്മദ് മുസ്‌ലിയാര്‍ അധ്യക്ഷനാകും. ഉസ്താദ് മുനീര്‍ ഹുദവി കണ്ണൂര്‍ കാരുണ്യത്തിന്റെ നോട്ടം കനിവിന്റെ നീട്ടം എന്ന വിഷയത്തില്‍ മത പ്രഭാഷണവും നിര്‍വ്വഹിക്കും.
13ന് വൈകീട്ട് നാലിന് നിലമ്പൂര്‍ പീവീസ് ഓഡിറ്റോറിയത്തില്‍ പ്രവാസി സംഗമം നടക്കും. വൈകുന്നേരം 7ന് മതപ്രഭാഷണ പരിപാടി സമസ്ത ജില്ലാ ജനറല്‍ സെക്രട്ടറി പി. കുഞ്ഞാണി മുസ്‌ലിയാര്‍ ഉദ്ഘാടനം ചെയ്യും. സമസ്ത താലൂക്ക് കമ്മിറ്റി ജനറല്‍ സെക്രട്ടറി പുത്തനഴി മൊയ്തീന്‍ ഫൈസി അധ്യക്ഷനാകും. ഉസ്താദ് സ്വലാഹുദ്ദീന്‍ ഫൈസി വല്ലപ്പുഴ പരലോകത്തെ അത്ഭുതങ്ങള്‍ എന്ന വിഷയത്തില്‍ മതപ്രഭാഷണവും നിര്‍വ്വഹിക്കും. മുസാഅദ കെട്ടിടോദ്ഘാടനം ഞായറാഴ്ച വൈകീട്ട് 3:30 ന് അസര്‍ നിസ്‌കാരത്തിന് നേതൃത്വം നല്‍കി സയ്യിദ് ഹൈദരലി ശിഹാബ് തങ്ങള്‍ നിര്‍വ്വഹിക്കും. 4ന് നടക്കുന്ന പൊതുസമ്മേളനവും തങ്ങള്‍ ഉദ്ഘാടനം ചെയ്യും.
മുസാഅദ സെന്റര്‍ പ്രസിഡന്റ് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും. എം.ടി അബ്ദുല്ല മുസ്‌ലിയാര്‍ അനുഗ്രഹ പ്രഭാഷണം നടത്തും. നിയുക്ത എംപി പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എം.പി, പി.വി അന്‍വര്‍ എം.എല്‍.എ, ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷണന്‍, എസ്‌വൈഎസ് സംസ്ഥാന ട്രഷറര്‍ ഹാജി കെ. മമ്മദ് ഫൈസി, എസ്‌വൈഎസ് ജില്ലാജനറല്‍ സെക്രട്ടറി അബ്ദുസ്സമദ് പൂക്കോട്ടൂര്‍, മുസാഅദാ സെന്റര്‍ ജനറല്‍ സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ്, വര്‍ക്കിംഗ് സെക്രട്ടറി സലീം എടക്കര, ആര്യാടന്‍ ഷൗക്കത്ത്, കാരാടന്‍ സുലൈമാന്‍, കാടാമ്പുഴ മൂസ ഹാജി, ഡോ. അബ്ദുല്‍ ഹമീദ്, പി.വി അലിമുബാറക്ക്, പി.വി ഹംസ, ഗിരീഷ് മോളൂര്‍ മഠത്തില്‍, എന്നിവര്‍ പ്രസംഗിക്കും. 5:30 ന് റഹ്മത്തുല്ല ഖാസിമി മൂത്തേടം മുഖ്യപ്രഭാഷണവും നിര്‍വ്വഹിക്കുംവൈകീട്ട് 7ന് നടക്കുന്ന ആത്മീയ സദസ് സമസ്ത കേന്ദ്ര മുശാവറ അംഗം വാക്കോട് മൊയ്തീന്‍ കുട്ടിഫൈസി ഉദ്ഘാടനം ചെയ്യും.
മുസാഅദ സെന്റര്‍ വൈസ്പ്രസിഡന്റ് അബ്ദുല്‍ അസീസ്മുസ്‌ലിയാര്‍ മൂത്തേടം അധ്യക്ഷനാവും. ഉദ്‌ബോധന പ്രാര്‍ത്ഥനാ സദസ്സിന് ഏലംകുളം ബാപ്പു മുസ്‌ലിയാര്‍ നേതൃത്വം നല്‍കും.