ഭോപ്പാല്‍: മധ്യപ്രദേശില്‍ രണ്ടിടങ്ങളിലായി വിവാഹ സംഘം സഞ്ചരിച്ച വാഹനങ്ങള്‍ അപകടത്തില്‍പെട്ട് വരനടക്കം 15 പേര്‍ മരിച്ചു. 20 പേര്‍ക്ക് പരുക്കേറ്റു. ആദ്യത്തെ അപകടം നടന്നത് ആഗ്ര-മുംബൈ ദേശീയ പാതയില്‍ ഖര്‍ഗോണ്‍ ജില്ലയിലായിരുന്നു. വിവാഹ പാര്‍ട്ടി സഞ്ചരിച്ച വാഹനം ട്രക്കുമായി കൂട്ടിയിടിച്ചുണ്ടായ അപകടത്തില്‍ വരനടക്കം ഒരു കുടുംബത്തിലെ ഒന്‍പതുപേരാണ് മരിച്ചത്.
മറ്റൊരു അപകടം നടന്നത് ഷിയോപൂര്‍ ജില്ലയിലാണ്. ഇവിടെയും വിവാഹ സംഘം സഞ്ചരിച്ച വാഹനം അപകടത്തില്‍പെട്ട് ആറുപേരാണ് മരിച്ചത്. ഇവര്‍ സഞ്ചരിച്ച ട്രാക്ടര്‍ തലകീഴായി മറിഞ്ഞായിരുന്നു അപകടം. 20പേര്‍ക്കാണ് പരുക്കേറ്റത്.