പൊഴുതന: മുത്താരിക്കുന്ന് നൂറുല്‍ഹുദാ മദ്‌റസയില്‍ പ്രവേശനോത്സവം സംഘടിപ്പിച്ചു. എസ്.കെ.എസ്.എസ്.എഫ് മുത്താരിക്കുന്ന് ശാഖ സംഘടിപ്പിച്ച പരിപാടിയില്‍ മദ്‌റസയിലെ ഒന്ന് മുതല്‍ എട്ട് വരെയുള്ള മുഴുവന്‍ വിദ്യാര്‍ഥികള്‍ക്കും സൗജന്യപാഠപുസ്തക വിതരണവും നടത്തി. പൊഴുതന മഹല്ല് ഖതീബ് ശിഹാബ് ഫൈസി ഉദ്ഘാടനം ചെയ്തു.
മദ്‌റസ കമ്മിറ്റി പ്രസിഡന്റ് സി ഹമീദ് അധ്യക്ഷനായി. എസ്.കെ.എസ്.എസ്.എഫ് ശാഖാ സെക്രട്ടറി നാസിദ് പദ്ധതി വിശദീകരിച്ചു. പ്രസിഡന്റ് ശംസീര്‍ ഫൈസി മുഖ്യപ്രഭാഷണം നടത്തി. കെ.കെ ഇബ്രാഹിം, ടി.കെ അബൂബക്കര്‍ ഹാജി, ടി. കെ ഹംസ, സി ശരീഫ്, കെ നിഷാദ് എന്നിവര്‍ സംസാരിച്ചു. സ്വദ്ര്‍ മുഅല്ലിം അബ്ദുല്‍ ഖാദര്‍ മൗലവി സ്വാഗതവും സി.എം റിയാസ് നന്ദിയും പറഞ്ഞു.