പാലക്കാട്: വാളയാറില്‍ മദ്യം കഴിച്ച് മരിച്ചവരില്‍ ഒരാള്‍ കൂടി മരിച്ചു. ഇതോടെ മരിച്ചവരുടെഎണ്ണം അഞ്ചായി. നേരത്തെ മരിച്ച അയ്യപ്പന്റെ മകന്‍ ആണ് അരുണ്‍(22) ആണ് ഒടുവില്‍ മരിച്ചത്. കഞ്ചിക്കോട് ചെല്ലന്‍കാവ് മൂര്‍ത്തി, രാമന്‍, അയ്യപ്പന്‍, ശിവന്‍ എന്നിവരാണ് നേരത്തെ മരിച്ചത്. വാളയാറിലെ പുതുശ്ശേരി പഞ്ചായത്തില്‍ ചെല്ലങ്കാവ് ആദിവാസി കോളനിയില്‍ ഇന്നലെയും ഇന്നുമായാണ് അഞ്ചുപേര്‍ മരിച്ചത്. വ്യാജമദ്യം കഴിച്ച് അവശനിലയിലായ ചെല്ലന്‍ കാവ് സ്വദേശി മൂര്‍ത്തി ഇന്നു നേരത്തെ മരിച്ചിരുന്നു. അതിനുശേഷമാണ് മറ്റൊരു മരണം കൂടിയുണ്ടായത്.  എട്ടുപേര്‍ ഇപ്പോഴും ചികിത്സയില്‍ കഴിയുന്നുണ്ട്.
അവശനിലയില്‍ മൂര്‍ത്തിയെആശുപത്രിയില്‍ എത്തിച്ചെങ്കിലും അവിടെ നിന്ന് മുങ്ങുകയായിരുന്നു. പിന്നീട് പാലക്കാട് സുല്‍ത്താന്‍പേട്ടയില്‍ മരിച്ച നിലയില്‍ കണ്ടെത്തുകയായിരുന്നു. കഞ്ചിക്കോട് പയറ്റുകാട് കോളനിയിലെ രാമന്‍, അയ്യപ്പന്‍, ശിവന്‍ മൂര്‍ത്തി അരുണ്‍ എന്നിവരാണ് മരിച്ചത്.

ഇന്നലെ രാത്രിയാണ് ഇവര്‍ മദ്യം കഴിച്ചത്. വ്യാജമദ്യം കഴിച്ചതാണ് മരണകാരണമെന്ന് സംശയമുണ്ടായിരുന്നു. തിങ്കളാച രാവിലെ ശിവനെ മരിച്ച നിലയില്‍ കണ്ടതോടെയാണ് മദ്യദുരന്തമെന്ന സംശയം ഉയരുന്നത്. ഇവരെല്ലാം കഴിഞ്ഞ ദിവസം അമിതമായി മദ്യപിച്ചിരുന്നെന്നും ശിവനാണ് മദ്യമെത്തിച്ചതെന്നും കോളനി നിവാസികള്‍ പറയുന്നത്.
അടക്കം ചെയ്ത മൃതദേഹങ്ങള്‍ പുറത്തെടുത്ത് പോസ്റ്റുമോര്‍ട്ടം ചെയ്യും. ആന്തരികാവയവങ്ങളുടെ രാസപരിശോധന ഫലം വന്ന ശേഷമേ മരണകാരണം വ്യക്തമാകൂ. ലഹരിക്ക് വീര്യം കൂട്ടാന്‍ സാനിറ്റൈസറോ സ്പിരിറ്റോ ഉപയോഗിച്ചെന്നാണ് പ്രാഥമിക നിഗമനം.