മദീന: മദീനയിലെ പ്രവാചക പള്ളിയിലെ സന്ദർശനം എളുപ്പമാക്കുന്നതിന്റെ ഭാഗമായി പുതിയ ആപ് പുറത്തിറക്കുന്നു. ഉംറ ആപ് വൻ വിജയമായതിന്റെ പിറകെയാണ് മദീനയിലെ പ്രവാചക പള്ളിയിൽ സന്ദർശനം എളുപ്പമാക്കുന്നതിന്റെ ഭാഗമായി 'സാഇറൂൻ' ആപ് പുറത്തിറക്കുന്നത്. 'സാഇറൂൻ' ആപ് ദിവസങ്ങൾക്കുള്ളിൽ ആപ് സ്റ്റോറുകളിൽ ലഭ്യമാകുമെന്ന് മസ്ജിദുന്നബവികാര്യ വകുപ്പ് വക്താവ് ജംആൻ അൽഅസീരി പറഞ്ഞു. ഹറംകാര്യ വകുപ്പ് മേധാവി ഡോ: അബ്ദുറഹ്മാൻ അൽസുദൈസ് ആപ് ഉദ്ഘാടനം ചെയ്തു.

 

       വിവിധ ഭാഷകളിൽ ലഭ്യമാകുന്ന  ആപിൽ മസ്ജിദുന്നബവിയിൽ എളുപ്പത്തിൽ പ്രവേശിക്കാനും ആരാധനാ കർമങ്ങൾ നിർവഹിക്കാനും പ്രവാചക മസ്ജിദ് സന്ദർശകർക്ക് സഹായകരമാകും. അൽഹറമൈൻ ആപ്പിന്റെ ഭാഗമാണ് 'സാഇറൂൻ' ആപ്. സിയാറത്ത് സംവിധാനം, പ്രവേശന കവാടങ്ങൾ, പുറത്തേക്കുള്ള വഴികൾ, മസ്ജിദുന്നബവിയിൽ നിർവഹിക്കാവുന്ന ആരാധനാ കർമങ്ങൾ എന്നിവയെല്ലാം സന്ദർശകർക്ക് വ്യക്തമാക്കി കൊടുക്കുന്ന രീതിയിലാണ് ആപ് സജ്ജീകരിച്ചിരിക്കുന്നത്