കോട്ടയം: സി.പി.എം ഔദാര്യപൂര്‍വം അനുവദിച്ച പാര്‍ലമെന്റ് സീറ്റ് ലക്ഷങ്ങള്‍ക്ക് വിറ്റ പാരമ്പര്യമുള്ള സി.പി.ഐക്കാര്‍ മറ്റുള്ളവരെ ആദര്‍ശം പഠിപ്പിക്കുന്നത് മലര്‍ന്നുകിടന്ന് തുപ്പുന്നതിന് തുല്യമെന്ന് കേരളാ കോണ്‍ഗ്രസ് (എം).
ജയിക്കുമെന്ന് ഉറപ്പുള്ള ഒരു പഞ്ചായത്തുപോലും സി.പി.ഐക്കില്ല. സി.പി.എമ്മിന്റെ സഹായമില്ലെങ്കില്‍ സി.പി.ഐ വെറും കടലാസുതോണി മാത്രമാണ്.
കേരളാ കോണ്‍ഗ്രസ് (എം) ഒരു മുന്നണിയിലും ചേരാന്‍ തീരുമാനിച്ചിട്ടില്ല. വിളിക്കാത്ത സദ്യക്ക് സി.പി.ഐ ഉണ്ണാന്‍ വരേണ്ടെന്നും പാര്‍ട്ടി പ്രസ്താവനയിലൂടെ അറിയിച്ചു.