നോട്ടിങ്ഹാം: രണ്ടാം ജയം തേടി ആതിഥേയരായ ഇംഗ്ല@ണ്ട് പാകിസ്താനെതിരേ ഇന്നിറങ്ങുന്നു. ലോകകപ്പിന് മുന്നോടിയായി നടന്ന പരമ്പരയില്‍ പാകിസ്താനെ തുരത്തി ഇംഗ്ലണ്ട് പരമ്പര സ്വന്തമാക്കിയിരുന്നു.

ഇതിന്റെ ആത്മവിശ്വാസവും ആദ്യ ജയത്തിലെ മനക്കരുത്തും ആയുധമാക്കിയാണ് ഇംഗ്ലണ്ട് സ്വന്തം നാട്ടില്‍ രണ്ടാം അങ്കത്തിനിറങ്ങുന്നത്. ആദ്യ മത്സരത്തില്‍ വിന്‍ഡീസിനോട് ദയനീയ പരാജയം ഏറ്റുവാങ്ങിയ പാകിസ്താന്‍ ഇന്ന് പ്രതീക്ഷയൊന്നും ഇല്ലാതെയാണ് ഇറങ്ങുന്നത്. ഇംഗ്ലണ്ടിന്റെ അപാര ഫോമിന് മുന്നില്‍ പാകിസ്താന് വിജയിക്കണമെങ്കില്‍ ഇന്ന് അല്‍പം വിയര്‍ക്കേണ്ടി വരും.

ഇംഗ്ലണ്ടിന്റെ മുന്‍നിര താരങ്ങളെല്ലാം മികച്ച പ്രകടനമാണ് കാഴ്ച്ചവയ്ക്കുന്നത്.
ആദ്യ മത്സരത്തില്‍ കരുത്തരായ ദക്ഷിണാഫ്രിക്കയ്‌ക്കെതിരേ 311 റണ്‍സാണ് ഇംഗ്ല@ണ്ട് അടിച്ച് കൂട്ടിയത്.
ബെന്‍ സ്റ്റോക്‌സിനെ ഓപ്പണിങ് സ്ഥാനത്തേക്ക് കൊ@ണ്ടുവന്നുള്ള നീക്കവും ഗുണം ചെയ്തു. മത്സരത്തില്‍ 89 റണ്‍സടിച്ച് കളിയിലെ താരമാവുകയും ചെയ്തു. ആദ്യ മത്സരത്തില്‍ നാല് ഇംഗ്ലണ്ട് താരങ്ങളാണ് അര്‍ധ സെഞ്ചുറി പൂര്‍ത്തിയാക്കിയത്.
ആദ്യ മത്സരത്തില്‍ വിന്‍ഡീസിനോട് 105 റണ്‍സിനാണ് പാകിസ്താന്‍ പുറത്തായത്. ഒരാള്‍ക്ക് പോലും അര്‍ധ സെഞ്ചുറി നേടാനായില്ല.
തീര്‍ത്തും ദുര്‍ബലമാണ് പാകിസ്താന്റെ ബാറ്റിങ് നിര. ബൗളിങ് നിരയിലും താളം ക@െണ്ടത്താന്‍ പാകിസ്താന് സാധിച്ചിട്ടില്ല. വൈകിട്ട് മൂന്നിന് ട്രന്റ്ബ്രിഡ്ജിലാണ് മത്സരം.