ന്യൂഡല്‍ഹി: ബാങ്ക് തട്ടിപ്പിനു ശേഷം രാജ്യം വിടുന്ന കാര്യം ധനമന്ത്രി അരുണ്‍ജെയ്റ്റ്‌ലിയോട് പറഞ്ഞിരുന്നുവെന്ന വിജയ് മല്യയുടെ വെളിപ്പെടുത്തലോടെ പ്രതിസന്ധിയിലായ ബി.ജെ.പി പ്രതിരോധവുമായി രംഗത്ത്.
ബിജെ.പിക്കെതിരേ ശക്തായ ആരോപണവുമായി കോണ്‍ഗ്രസ് രംഗത്തെത്തിയതോടെ ഇതിനെ പ്രതിരോധിക്കാനായി വിജയ് മല്യയുടെ കിങ്ഫിഷര്‍ വിമാനക്കമ്പനിയില്‍ ഗാന്ധി കുടുംബത്തിനും പങ്കാളിത്തമുണ്ടെന്നാണ് ബി.ജെ.പി ആരോപിക്കുന്നത്. കിങ്ഫിഷര്‍ എയര്‍ലൈന്‍സിന്റെ യഥാര്‍ഥ ഉടമസ്ഥന്‍ രാഹുല്‍ ഗാന്ധിയെന്നാണ് ഇന്നലെ ബി.ജെ.പി വക്താവ് സാംബിത് പത്ര പറഞ്ഞത്.